Спадчына: Палеская доследная станцыя мелірацыйнага земляробства і лугаводства
Аўторак, 07 Красавік 2015 18:35
2015 г. – 70 гадоў з дня заснавання Палескай доследнай станцыі меліярацыйнага земляробства і лугаводства Нацыянальнай Акадэміі навук Беларусі.
Палеская доследная станцыя меліярацыйнага земляробства і лугаводства заснавана на падставе Пастановы Савета Народных камісараў СССР № 1522 ад 22 чэрвеня 1945 года “Аб неадкладных мерапрыемствах па аднаўленні асушальных сістэм і асваенню асушаных зямель ў Беларускай ССР”. Месца будаўніцтва станцыі было абрана ў вёсцы Красцінава (з 1969 г. пасёлак Палескі Лунінскага сельсавета) Лунінецкага раёна Пінскай (зараз Брэсцкай) вобласці на Лунінскім балотным масіве, які ўваходзяць у тарфяное радовішча «Хольчэ» і размешчаны па левы бок ад ракі Бобрык ў яе ніжнім цячэнні.